平時衰咗咪衰咗，今次衰咗影衰個女

這些 Cue Cards 搞咩鬼？

平時開家長會，講三個鐘都唔駛講稿，從來都唔用 Cue Cards，但為了個女，攪了兩晚。
明晚，Ronnie 學校有 function，Ronnie做MC，玩 gimmick，想媽咪配個女一起做 MC。好！破天荒，母女同台！Ronnie 講英文部份，我講中文。

說是為個女，因為我想她明白有甚麼要去就去，唔好鈕鈕擰擰。老師叫就做，媽媽也一樣，老師邀請就去馬，出一分力。身教好過得個講字。

對我來說，最困難只是要跟稿.....

平時係講自己熟悉的事唔駛稿，現在是說學校的事要記吓稿。

平時衰咗咪衰咗，今次衰咗影衰個女。

這才是壓力呀！哈哈！我是老鼠媽媽！